you hurt me

i hurt you

we hurt
into eternity

jy is 'n doos, skel hy.

ek knip nie 'n oog nie. staar.

jy is 'n doos wat die mooi van ons vermoor, die heilige bed gaan goedkoop maak het met jou woord en ink.

ek draai om, fluister ek moet gaan. hy sien ek hoor nie meer nie. hy hou aan skel. die woorde skiet 'n harde knal uit sy frustrasie om my vas te hou. ek is stil.

ek was bereid om alles op te gee vir jou na ons gesprek by die dam. jou woord beteken weereens fokkol. besef jy nie dat selfs 'n vriendskap met jou op die stadium al te veel gevra is? haat sy woorde my liefde stukkend.

ek verdwyn.

jy is 'n groot doos wat ons spesiaal weereens weggegooi het, skreeu hy agterna.

ek verdwyn. ek verdwyn.
ek het geen sin vir verantwoordelikheid en aanspreeklikheid nie, huil sy verstand. hoekom verstaan ek nie? waar mis hy my?

hy tree lomp agterna, gestil, gestamp, gebreek. maak nie die keer die motordeur oop nie. my oe se deure het gesluit. hom uitgesluit.

omdat my sfeer sweer in sy verlede moes hy my verneder.

why am i writing this?
i know i caused as much pain
i know all was in vain

why am i writing this?
to get back at you
to show the world your view

why am i writing this?
i have to find some relief in pain
to bury my love and not in vain

why am i writing this?
my name is Soledad
and Soledad it will remain

tyd vir 'n nuwe girl

ruk hy my terug
so werk hy almal
gevoelloos weg
koud
breek al my vertroue

tyd vir 'n nuwe girl

spyker ek haar hart
teen my kruis

tyd vir 'n nuwe girl

openbaar hy in publiek
ek voel
vergewe my maar ek
voel!

tyd vir 'n nuwe girl

beweeg ek aan
en sy verlangend
staan

verby seer
en seer
verby
verseer weg
groei nuwe
seer
verby
seer verby

i don't know why lines blur
why some bruises
don't show
why we allow them to grow

all i know
is they hurt to the bone

ontwaking
ontnugtering
swart en wit
herinnering
begin met misterie
van vingerpunt-tasbare-berge
moskartelwater
moerkoffie in blik
klein voel
(o ek mis die klein voel in jou hand)
koue kruie karooveld geure
wat meng met kraakwit
omblaai lakens
die klank van afrikaans
(vreemd, maar dan is alles vreemd by jou)
piekniek oesters
tandestokkies en 'n winderige donker see
beskuit-krummel-koffie
die hande
die ewige hande
die vashou tot more
wat nou liewer nie moet kom


kies jou frommelletters asseblief versigtig
hoekom het ek jou lief gekry?

dis nie of nie
dis wanneer
se hy

we were not meant to be

skribbel skrabbel krap
tot die wond
rouvleis sweer in waansin
here tog
laat my net ophou dink
en aangaan
heengaan
weggaan
vorentoe gaan
en vergeet
die seer van oe
en woorde vergeet
laat my rus in vrede van vergeef
verduidelik tot begrip
ontspan my in 'n kalmte
van liefde vir myself
'n vraaglose vreugde
van borrelende
nuutgevonde begrip
maak stil
maak stil
maak stil
ek moet weer slaap
moet kan slaap
diep slaap en passie vind
vir leef
help
hoor die noodkreet
help
iemand help
en stil die orkaan in my kop
stil
houvas opreg
en stil my
ek verloor

hy is berge
sy is see
hy duif
sy kat
hy vleis
sy slaai
hy vergeet
sy onthou
sy tong swaard
haar hart veer
hy betyds
sy laat
sy hande hou
haar hand los
hy kompeteer
sy lief gee

waarom gee die lewe so onverwags
neem weer so ongevraagd

dit breek
dit sny
dit smeul
dit niks
dit verdoof
dit verlang
niks sin meer nie
niks eenvoudig sin meer
en ek verstaan nie

so stelselmatig
werk ek haar weg

eers met woord
uitvee
dan kyk
woord sny
toe verdwyn foto
daarna die silwer

en toe finaal
met 'n ander

en ons was nie alleen nie
ander wrede monsters
het ons vergesel
met al die geskel

pynkloof se moskartelwater
het vloeiend na harmonie
in woord 'n dooie toekoms voorspel

want Soledad is Soledad.
donker
verrot
en drup dit saam
met elke woord
dik in kots

damage
attracts
damage

please
don't
call
me
by
my
name

the ever present
presence
of your
absence

haat -

ek probeer omdraai
en slaap
maar elke draai
skel jou afwesigheid

jy moes aan wraak gedink het
toe jy elke vlymskerp woord
in my wese ingesink het

jou laaste
onbesonne
woord
laat my spartel
soos 'n opgejaagde wese

soos die dag toe God gespreek het
laat daar lig wees

ek het jou lief gehad was bereid om soveel selfs van myself vir jou op te offer ek het jou lief gehad bo alle verwagting bo alle verrassing verstom ek het jou lief gehad die groot van jou skouers lief gehad en jou hand

maar die sny van jou tong
het baie vermom

hy hou die duif
op sy tong
vasgeklem
hartklop angstig sigbaar
in haar veer
oog verstar in vrees
tot hartklop halt

het jy geweet 'n duif kies lewensmaat
een maal lewenslank
fluister ek
het jy rerig gedink hy sal nie
vir hom 'n nuwe lewensmaat
na dood gaan vind
lag hy

ek moes
haar begrawe
langs die ander
in my tuin

giftige hande
pluk van my wolk
ruk my skouers
forseer teen grond
skuur vel
gru
aan gruis
skel sonder klank
skaaf my weg
draai om
halt
glimlag vir die gejuig
trots weg
ignoreer die bloed

ek skuil
die bloedgruisklip
getroud met vel

en ek kan nie vertel

jy is nie die enigste een
wat seerkry nie

stil hom.

if i could not make
you work with me

no one ever will
work with me

i tried
harder than before

laat
doos
jy verdien die kak
tweegesig
flerrie
dronklap
doos
doos
die ander geblokte skel
my terug roep
terug skreeu aarde toe

hulle se ek verdien beter -
maar verstaan hulle verlange?

kyk mooi na jouself

sny vier verdoemende woorde
in eensaamheid in

bietjie verdwyn

ek dwaal
'n dag lank ver
dis lank
dit stink

ek dwaal
in miskommunikasie
ontnugter
dit stink

ek dwaal
in ongeloof
oopgebreek
dit stink

ek dwaal
en skreeu
Hoor Net Reg
maar dit bly net

stink

en hy vertel
insigloos
hy verdien beter

asof ek
stink

tongue-

take me

fake me

break me

rape me

asem fluister
in haar slapende gehoor
flenters vlug
die seer vanuit
sy diepste trane
asem styf
en stadig
vlak

vervang haar veer
en talm
tot doodstil haar vrees
beweging maak
om asem terug
te ontwaak

ek weet wat jy gaan se
kom hier
ek huiwer in deur
kom kyk hier
ek weet al wat volg
kyk hoe doos jy
bietjie-lyfie
ek tree terug
al wat mens sien
is doos

ja my Lief:
ek doos die ontbloting
pynlik seer
in ink verewig
tot in gebroke wese

en jy staar vas
teen oppervlak
en hoe dit op
jou
reflekteer

i want to see you
i never want to see you again
i want to look into your eyes
i never want to look into your eyes again
i want to feel your touch
i never want to feel your touch again
i want to hold your face
i never want to hold your face again
i want to see you
i never want to see you again
i want to see you

nee:

jy
verstaan nie

hoe seer elke woord
staar
opinie
veroordeel
vir ewig
eggo

sonder verduideliking
sonder begrip
sonder afsluiting

ek verstaan nou

jou grootste vrees
was dat jy nie kon beheer
nie kon begryp

jou frustrasie
kon net slaan
jou hande was slegs
hulpeloos

warm
groot
maar magteloos

you
soil
my
soul
with
memories

ek dans my energie
onbevange
ongevraagd
eroties in jou ope arms

onbewus
dat jy eintlik dink
dis goedkoop
slet

en tog noem jy
dat my bietjie-lyfie dans
jou lewe verander het

ek dans
nou
anders

the vine of solitude
creeps closer
deepens yearning
overgrows
avoids trimming
shelters a facade

choice inevitably becomes choice
by own free will
a self fulfilling prophecy

this one
was her last attempt
at vulnerabilty

ek het vrede gemaak daarmee dat ons saam nooit sal werk nie
verdoem vanaf die begin

dis nou die verlange waarmee elke herinnering worstel
en die twyfel wat skielik alle sagte woord ontken

free spirit
(he says)

you could never be
with only one
(he says)

die sondes van die vaders
lei die kinders na hul ondergang
(i say)

die gode het ons vandag
weer onverwags omhels
jou hande om my wang
was dringend warm
soen was vurig

my seer-stil
kon slegs luister
na jou verhaal van fietsbande
en padvlakke

ek het so gehoop
dit gebeur vandag
en ook nie

omgedraai
en weer besef:
een het altyd liewer

kom hier
se hy sag
kom voel hier
lei my oor skerp rots
sag in water in
ek wil he jy moet voel
die see-anemone
drink die waterpoel se soutwater
(wond-genees-water)
dis hoe jy voel

here moet alles my herinner?
my spoke konfronteer?

mens
kan
net
soveel
keer
hoor
jy
is
nie
goed
genoeg
nie

the images of abuse
haunt  my dreams
dissolve with light of day

no more Aphrodite
no more

elke woord
wat oor jou lippe sny
soos die lem van 'n swaard

halt my
in luidkeelse stilte
terug na my aard

en
hy
baklei
haar
nie
eers
terug
in
haar
spiraaldrang

en so gaan dit aan

dalk,
miskien
sou die lewe beter gewees het
sonder lettertaal
om so aan elke individu
sy eie prentjieletters te gun
wat woordbeelde maak
esteties in beginsel,
sag en mooi,
sonder dat frommelletters
onsamehangend
flenter slaan

asemstilstand

soos jou asem
pynloos
halt
in onbewuste slaap

tot versmoring
snak
na vars

lug ek my asem
stil na onbewuste
pynloos

versmoor
smagtend
na vars

die oorlog sluimer
in 'n woordelose
asemstilstand

your hands kissed my breasts
your hands cupped my face in a kiss
your hands embraced my tension
your hands liberated us into mountains of our own
your hands were warm
your hands tenderly stroked a kitten
your hands lovingly caressed my stomach
your hands knew my body inside and out
your hands dried my tear
your hands paged me
your hands pointed judgements
your hands broke and shared your apple:

forced me to eat my share

jy

gaan seerkry

waarsku ek

hom

pyn-kloof -

die berge roep 'n nuwe lewe
in die gawe van herinnering
kapokbos word weer teer
met hierdie winterverwagting

kyk hoe raak my vingers die groen lief:
moskartelwater loop wind-af die keer
en hange val my ewig-klouende dood
in kalm vrede in

brul saam die bewe
van jou verlede
met my uit

beskadu bietjie-lyfie
in 'n somer toekoms in

dis vreemd
vreemd bevrydend

en ons is nie alleen

mis off
jou tweegesig
vos

hond ek haar weg

ek wil
jou nooit weer sien nie

bietjie-lyfie dood
'n wrede wanbegrip
tussen aannames
opinies
en samelewing
se sogenaamde norme

hy blind hom
teen 'n toekoms
van warm omgee
nuwe lewe
opreg omgee
lief gee
ontvang

staar vas in sy doos
van hoek en lyn en vlak
wat bietjie-lyfie alewig bekak

so maklik reg
trek jy my styf
teen jou
lepel my rug teen jou
groot lyf
vou hand om bors
hou vas
ander een kussing
my nek
en sluit my klein
vas in jou omhelsing
warm of koud
heel nag
laat nie los nie
asem in en uit
in my gehoor

druis
tot in 
my ewige siel

my
omhelsing
gooi
jy
met groot hand eenkant

wat de fok maak jy

vir
jou
stink ek
bedreig ek
verkeerd ek

ek is gewoond aan jou omblaai
maar die onverwagse omgooi
dood ons

aksie
reaksie
aksie
reaksie

action
reaction
action
reaction

feather
swords
a word

dries her tree
with tears

shapes figures
of exposure

bound

his prison
of love
arches her back

exposes vulnerability

-no one will ever know-

God let me swallow it back
it belongs elsewhere

i hate this regret

these walls
scream a silence

this empty bed
echoes strong hands

as they page
my passion
to painful
memories

these sheets
crisp
cold

die keer
ry my drome
nie padlangs

dit trapfiets
ongemaklik
op 'n donker
treinspoor

the meeting

groot
groet jy
glimlaggend
my vrees vir die onbekende -
jou hand
is warm
kalm
groot
en talm

hulle waarsku eerste indrukke doen:
talm,
groet nooit weer

the end

jy is 'n doos, skel ek.

sy knip nie 'n oog nie. staar.

jy is 'n doos wat die mooi van ons vermoor, die heilige bed gaan goedkoop maak het met jou woord en ink.

sy draai om, fluister sy moet gaan. ek sien sy hoor nie meer nie. ek hou aan skel. die woorde skiet 'n harde knal uit my frustrasie om haar vas te hou. sy is stil.

ek was bereid om alles op te gee vir jou na ons gesprek by die dam. jou woord beteken weereens fokkol. besef jy nie dat selfs 'n vriendskap met jou op die stadium al te veel gevra is? haat my woorde haar liefde stukkend.

sy verdwyn.

jy is 'n groot doos wat ons spesiaal weereens weggegooi het, skreeu ek agterna.

sy verdwyn. sy verdwyn.
sy het geen sin vir verantwoordelikheid en aanspreeklikheid nie, huil my verstand. hoekom verstaan sy nie? waar mis ek haar?

ek tree lomp agterna, gestil, gestamp, gebreek. maak nie die keer die motordeur oop nie. haar oe se deure het gesluit. my uitgesluit.

omdat haar sfeer sweer in my verlede moes ek haar verneder.

i hurt you
you hurt me
we hurt